المكونات
شاهد أيضآ
2 كوباية أو 400 جم من الرز البسمتى
2 معلقة من زيت الطعام (20مل)
بصلتين متوسطين (250 جم), شرايح رفيعة
بصلتين متوسطين مفرومين ناعم
500 جرام جمبرى متقشر و متنضف
معلقتين صلصة طماطم (20 جم)
فصوص ثوم (20 جم) مفرومين
كوباية شبت طازة مفرومين ناعم (50 جم)
3 معالق بودرة كارى (15 جم)
عودين قرفة
خمس وحدات من الحبهان الاخضر
مكعبين مرقة دجاج
نص كوباية ميه سخنة (125 جم)
2 كوباية من اوراق الكسبرة (100 جم)
6 كوبايات ميه (1500 جم)
معلقة زعفران بودرة (5 جم)
ملح و فلفل
كيفية التحضير
اغسلى الرز و انقعيه فى ميه باردة مدة 30 دقيقة.
فى حلة كبيرة, سخنى الزيت و حمرى فيه شرايح البصل لحد لما لونها يبقى بنى مصفر و ارفعيها من الحلة و خليها على جنب.
فى نفس الحلة و على درجة حرارة متوسطة, اقلى البصل المفروم لغاية لما يصفر, حطى الجمبرى و شوحيه لحد ما ياخد اللون الوردى (حوالى 4-5 دقايق) , زودى معجون الطماطم, الثوم, الشبت, البهارات, اعواد القرفة و الحبهان و معاهم مرقة دجاج و بعدين اسقيهم و خليهم يغلوا. ضيفى الكسبرة الطازة المفرومة و انقلى كل ده من الحلة و خليه على جنب.
فى نفس الحلة, اغلى لتر و نص مية و بعدين حطى فيهم الرز و سوى لحد ميبقى الرز 3/4 سوى.
صفى الرز فى مصفى و اتخلصى من المية الزيادة.
سيحى الزبدة فى قاع نفس الحلة و حطى طبقة من الرز, بعديها طبقة جمبرى و خليط البصل و رشى بودرة الزعفران. استمرى لحد لما كمية الرز و الجمبري تخلص.
سوى الرز و الجمبرى على حرارة نص هادية لغاية لما الرز يكمل سوى (20 دقيقة)
حركى الرز بشكل يضمن توزيع متساوى للرز و الجمبرى.
قدمى فى طبق كبير و زينيه بشرائح البصل المقلية.
هذة الوجبة تكفي من 6 : 8 اشخاص .
