كيكة مكرونة الريجاتونى

المكونات

  • معلقتين زيت نباتى (20 ج)

  • بصلة متوسطة مفرومة ناعم (100ج )

  • 400 ج لحم بقرى مفروم

  • 3 فصوص ثوم مفرومين (15ج)

  • معلقتين صلصة طماطم (30 ج)

  • كوبايتين ميه

  • مكعبين من مرقة دجاج

  • جزرة متوسطة (100 ج) مبشورة كويس

  • عبوة مشروم ابيض (250 ج) متقطع كويس

  • علبة طماطم مهروسة (400ج )

  • 2 معلقة صغيرة من الاورجيانو الجاف

  • 500 ج من باستا الريجاتونى

  • 2 لتر ميه مغلية (8 كوبايات)

  • كوبيتين جبنة موتزريلا ( 200 ج)

كيفية التحضير

  1. فى طاسة كبيرة سخنى الزيت و شوحى فيه البصل لحد ما يدبل و بعدين زودى اللحمة و شوحيها لحد ما تحمر. حطى بعد كدة الثوم و صلصة الطماطم و شوحيهم لمدة دقيقتين.

  2. زودى الميه و مرقة دجاج  و قلبيها لغاية ما تدوب

  3. ضيفى الجزر, المشروم, الطماطم المهروسة و الاورجيانو و سبيهم يغلو و غطى لمدة 20 دقيقة و خلى النار متوسطة و بعدين وطى النار لحد ما الخليط يتقل معاكى.

  4. اغلى مكرونة الريجاتونى لحد متبقى نص سوى, صفيها من الميه و وقفى الباستا فى قالب الكيك اللى فارغ من المنتصف لغاية ما الباستا تغطى قعر القالب كله.

  5. صبى الصوص على الباستا بالمعلقة و اتأكدى ان كل واحدة ريجاتونى فيها صوص اللحمة.

  6. رشى الموتزريلا على الوش و حطيها فى الفرن لحد لما المكرونة تستوى و الجبنة تسيح او يبقى لونها ذهبى.

  7. طلعيها من القالب و قدميها فى طبق كبير زى ما بتعملى مع الكيكة.

  8. هذة الوجبة تكفي من 6 :8 اشخاص .

تعليقات
Loading...

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد